Poesie e canti popolari

"Ode a Maniscalco"

di Benedetto Gubernali e Pietro Quatrino:

«Vi finiu. Finiu lu spassu
Sbirrunazzi scelerati
Un suspiru nun vi lassu
Carugnuna, e sbriugnati.
Maniscalcu cu tia parru
Unni iu la tua putenza
Lu rimorsu hai pri caparru
Ma di morti è la sintenza.
Quannu stavi a ministeru
Eri cchiù di un patri eternu
Ti lu dicu, veru , veru
Mortu, o vivu si all'infernu».

"La finuta di li sbirri a lu 1860"

Attribuita al poeta Pietro Quatrino
Apparsa in fogli volanti nel luglio del 1860
«Erano misi tutti in allegria
Li sbirri tutti uniti e trionfanti
Ed ogni d'uno gran festa facia.
Perché la 'nfamità passava avanti
Suggetta ogn'arme ntra la tirannia
S'era giusta, passava pri birbanti.
Che era patruna cca la polizia,
lu diretturi furmava rignanti
Era birbanti essa lu Diretturi
'n la pulitica facia dd ammurusanza
E Franciscu l'aveva pri tirruri
Ca tenia la Sicilia 'n valanza
Cci dava gradi e cci assignava onuri
Midaglia di valuri e di sustanza
Cu carta bianca, nubiltà e signuri,
a far mali ossa  cc' detti onza
Maniscalco, un è l'onza e lu talentu?
Lu munnu ti traverso ad ogni canto
Nn sempri dura, na lu gudimento,
lu tanto riso po ritorna chianto
Se tanta vita sara lo stesso vento
A tutti avvirra ddu Cristo Santo
Furmavi gran turruri e gran spavento
Ed ora  stai trimannu di lu scanto.
Carreca, tu si tantu trasfurmatu
'n Sicilia ti cridivi senza paru!
E quanti ossa a poviri ha stuccatu
Quanni suttu vinianu a lu to scaru!
Che era rignanti in Cummìssariato
Ti sentivi cchiu forti di l'azzaru
Lu celu lu so sdegno t'ha mustrato
La sintenza è di morti, un c'è riparu.
Puntillu, lu succaru quanno davi
Cu tanta 'nfamità, cu tantu abbisu
Supra l'umanità t'abbanniavi
A pezzu di carogna schifuso!
Lu tempo quali vinni un l'aspettavi,
Ti credevi lu celu essiri chiusu!
E chiddu tempu quannu billiavi
Ti cagnuneri la morti e si confusce
Certu nun t'aspittavi stu ..
Ti credevi 'n Sicilia patruni:
nutuli e surci ora cerchi un pirtusu;
ca nisceru li gatti di tirruri.
A tia, cu l'autri surci o schifusu!
V'hannu a tagghiari li testi e li carni
Finiu lu tempo vostro putintusu
Ora si grida "morti a li sbirruni"
Spitturi Ferro, Piddu Surrintinu, Duche Dinara e Pitrucchiu Scrivanu,
v'ha ghummighiatu di novu lu destino
n'aspetta ognuno cu lu ferro n'manu
E Ciccio Bruni, lu gran malandrino
si cridia chi lu munnu fussi 'n chiano
ch'eravu locchi o puri misi a vino?
Vi scurdastivu lo Pantano?
Niscera 'n chiano anche li Taschhittara
Tutti li sotterranei spiuna
Ma su ridotti cu la  vucca amara
Ca li loddi cci forniva curuna
La sintenza nisciu cu lingua chiara
"Romme segreta e classi sbirruna
Cca ci è festa 'n Palermo si ci spara
E accorpannisi sbirri, un si pirduna
Sbirruna  riuniti lu baratto
Pri li vostri cajordi ora cce luttu
Ch'un rotulo du ra  (due grana) la carni accattu
Tantu li sbirro è porcu Vili e brutto
Pri li sbirruna cu cori ccummattu
Sta vili razza, mora senza frutto
Di quanto 'nfamità ch'aviti fattu,
la sintenza nisciu: "sutta un cunnuttu».